Policia e Shtetit sqaron se ashpërsimi i masave ndaj parkimeve të dyfishta (“parkime dysh”) nuk do të sjellë automatikisht ndjekje penale për çdo rast.
Parkimi “dysh” nënkupton ndalimin e automjeteve pranë një mjeti tjetër të parkuar, duke ngushtuar korsinë, por vetëm kur ky veprim pengon qartësisht kalimin e mjeteve të emergjencës, bllokon totalisht rrugën apo pengon seriozisht kalimin e këmbësorëve, mund të kthehet në vepër penale sipas nenit 293 të Kodit Penal.
Në këto raste, policia referon rastin në prokurori, e cila vendos për ndjekjen penale pas shqyrtimit të provave.
Për shumicën e rasteve të tjera, masat do të jenë administrative, me gjoba nga 1,000 deri në 3,000 lekë, si dhe mund të vendosen bllokues goma apo të merret karrotreci. Ky qasje synon të diferencojë rastet serioze nga shkeljet e zakonshme, duke shmangur keqkuptimet në publik.
