Në Madrid të Spanjës janë zhvilluar protesta masive kundër qeverisë, ku mijëra qytetarë kanë dalë në rrugë duke kërkuar dorëheqjen e kryeministrit Pedro Sánchez.
Demonstruesit marshuan në qendër të kryeqytetit spanjoll me flamuj kombëtarë dhe pankarta ku kërkohej “fund i korrupsionit” dhe “zgjedhje të reja”. Protesta u organizua nga mbi 150 shoqata qytetare dhe u mbështet edhe nga parti opozitare.
Sipas organizatorëve, në tubim morën pjesë rreth 120 mijë persona, të cilët akuzuan qeverinë për korrupsion dhe mungesë transparence. Nga ana tjetër, kryeministri Sánchez i ka hedhur poshtë akuzat, duke i cilësuar si të motivuara politikisht, ndërsa ka deklaruar se do të vijojë mandatin e tij.
