Kryeministri Edi Rama ka dhënë urdhër që të shkarkohen nënkryetarët dhe administratorët e njësive administrative në bashkitë e vendit.
Kryetari i bashkisë së Malësisë së Madhe, Tonin Marinaj ka mbledhur vartësit e tij në një drekë lamtumire dhe ka treguar për largimin e dy nënkryetarëve dhe disa administratorëve.
Ndërsa në Pukë dhe Fushë-Arrëz, dy kryetarët demokratë nuk kanë pranuar të ndërmarrin shkarkime, duke argumentuar se urdhri i kryeministrit Rama nuk është i detyrueshëm për ta.
Ndërkohë ditën e nesërme ndryshime priten edhe në bashkinë e Vaut të Dejës, ku kryebashkiaku Kristian Shkreli do të takohet me të gjithë drejtuesit e bashkisë.
