Të paktën tridhjetë persona u vranë dhe mbi njëqind u plagosën gjatë përleshjeve të armatosura midis grupeve lokale dhe fiseve në qytetin Sweida, ku jeton pakica druze, njoftoi Ministria e Brendshme e qeverisë së Sirisë.
Autoritetet thanë se numri i viktimave mund të rritet dhe se forcat e sigurisë janë duke përgatitur ndërhyrjen për të ndaluar dhunën dhe për të rikthyer qetësinë në zonë.
Më herët, organizata Observatori Sirian për të Drejtat e Njeriut raportoi 37 të vdekur dhe rreth 50 të plagosur, duke theksuar se përleshjet vazhdojnë ende.
