Prokurorët i kanë kërkuar gjykatës ta dënojë një të mitur me burgim për të miturit në lidhje me vrasjen e rreshterit të Policisë së Kosovës, Muhamed Lika.
Polici Lika u vra natën e 1 prillit në shkallët e ndërtesës ku jeton në Kaçanik, në jug të Kosovës, derisa po kthehej në banesën e tij nga puna.
Prokuroria Themelore në Ferizaj tha në një komunikatë se i dyshuari i mitur vrau Likën “në bashkëkryerje me të pandehur të tjerë, me dashje dhe përgatitje paraprake”.
I mituri akuzohet për vrasje të rëndë dhe vazhdon të mbahet në paraburgim nga dita e arrestimit më 21 prill.
