Një 78-vjeçar, i identifikuar si Demer Haxhiu, ka ndërruar jetë tragjikisht mëngjesin e sotëm në fshatin Fushë-Milot, pasi u përfshi nga flakët gjatë djegies së mbeturinave në bahçen e tij.
Zjarri u përhap papritmas dhe mori përmasa të mëdha, duke i shkaktuar lëndime të rënda viktimës.
Në vendngjarje kanë mbërritur zjarrfikësit e Laçit dhe forcat e hetimit, të cilët po punojnë për të zbardhur shkakun dhe rrethanat e ngjarjes.
