Gjykata e Vlorës ka vendosur arrest në burg për babain e një 17-vjeçareje, e cila tre ditë më parë tentoi të vetëvritej me armë zjarri në banesën e gjyshit të saj.
43-vjeçari akuzohet për “dhunë në familje” dhe “shkaktim të vetëvrasjes”.
Gjatë seancës, prokuroria kërkoi masë të ashpër, ndërsa mbrojtja kërkoi një masë më të lehtë, por gjyqtari pranoi kërkesën e parë.
Adoleshentja ndodhet në gjendje të rëndë në Spitalin e Traumës në Tiranë.
Në hetim është edhe gjyshi, për armëmbajtje pa leje, ndërsa policia kërkon armën që besohet të jetë fshehur nga familjarët pas ngjarjes.
