Franca, Gjermania dhe Britania e Madhe (grupi E3), së bashku me Bashkimin Evropian, i kanë bërë një paralajmërim të qartë Iranit lidhur me mungesën e progresit në negociatat për një marrëveshje të re bërthamore.
Në komunikim me ministrin e Jashtëm iranian, Abbas Araghchi, përfaqësuesit evropianë theksuan se nëse nuk arrihet një marrëveshje deri në fund të verës, ata do të aktivizojnë mekanizmin e “kthimit në kohë”, që mund të sjellë rikthimin e sanksioneve ndërkombëtare të hequra në kuadër të marrëveshjes JCPOA të vitit 2015.
“Mungesa e progresit do të detyrojë komunitetin ndërkombëtar të reagojë me vendosmëri,” thuhet në deklaratë. Paralajmërimi vjen mes rritjes së tensioneve në rajon dhe shqetësimeve për përshkallëzimin e krizës bërthamore.
