Kryeministri Edi Rama zhvilloi sot në Berat një takim me përfaqësues të teknologjisë, inovacionit dhe start-up-eve, në kuadër të vizionit “Shqipëria 2030” dhe përpjekjeve për integrim në Bashkimin Europian.
Gjatë takimit, Rama theksoi rëndësinë që teknologjia dhe inteligjenca artificiale mund të kenë në modernizimin e administratës dhe përshpejtimin e reformave. Ai u shpreh se shumë shpejt AI mund të bëhet “anëtari më efikas i bordit”, madje ironizoi duke thënë se “ministrin ‘X’ mund ta ketë AI, pa asnjë interes për të prishur proceset apo për të futur kushërinj në punë.”
Megjithëse përdorimi i inteligjencës artificiale në qeverisje nuk është ende objektiv konkret i qeverisë, Rama nuk e përjashtoi mundësinë dhe theksoi se është një ide që mund të merret me “shumë kënaqësi përsipër.”
