Princ Leka ka zgjedhur Ksamilin për pushimet verore, ku shoqërohet nga vajza e tij Geraldina dhe partnerja Blerta Celibashi. Përmes disa postimeve në rrjetet sociale, trashëgimtari i fronit ka ndarë momente familjare buzë detit, duke thyer për pak natyrën e tij diskrete.
Në fotot e shpërndara, dallohet edhe raporti i mirë mes vajzës së tij dhe Blertës, çka tregon një atmosferë të qëndrueshme familjare, pas një periudhe të ngarkuar që përfshinte përfundimin e procesit gjyqësor me ish-bashkëshorten Elia Zaharia.
Burime pranë çiftit bëjnë me dije se tashmë po mendohet edhe për dasmën, e cila këtë herë pritet të jetë një ceremoni private, larg vëmendjes mediatike, ndryshe nga martesa e parë e Lekës. Dyshja bashkëjeton prej muajsh, ndërsa Geraldina kalon kohë mes dy prindërve.
