Një zjarr i përmasave të mëdha ka përfshirë zonën e Shkopetit, duke djegur dy banesa dhe duke kërcënuar seriozisht të tjera përreth.
Flakët, që shpërthyen rreth një orë më parë, po përhapen me shpejtësi në një terren të vështirë, ndërsa mungon ndërhyrja e zjarrfikësve.
Fatmirësisht nuk raportohet për të lënduar, pasi banesat e prekura ishin bosh në momentin e zjarrit.
Megjithatë, dëmet materiale janë të mëdha dhe situata vijon të jetë jashtë kontrollit.
Banorët po përpiqen të ndalojnë përhapjen e flakëve me mjete rrethanore, ndërsa apelojnë për ndërhyrje të menjëhershme nga autoritetet.
