Ditën e djeshme Gjykata e Dibrës caktoi masën e sigurisë “arrest me burg” për dy të dyshuarit për vrasjen e 23-vjeçarit Renis Dobra. Dy të arrestuarit, Petrit Çakrri dhe Fation Bushgjokaj janë transferuar në paraburgimin e burgut 313 në Tiranë.
Ata janë transferuar për shkak se mund të ketëtë afërm të 23 vjeçarit që punojnë në institucionin e burgut të sigurisë së lartë në Burrel.
Gjithashtu në kërkim për vrasjen e 23-vjeçarit janë shpallur edhe dy vëllezërit Aleksandër e Kristi Bushgjokaj, të cilët dyshohet se janë larguar jashtë vendit nëpërmjet Kosovës.
