Vijon zjarri në Devoll. Fillimisht zjarri ka nisur në fshatin Vërnik. Më pas, për shkak të erës së fortë, është përhapur në masivin pyjor të fshatit.
Forca të shërbimit zjarrfikës të bashkisë së Devollit, të policisë dhe shërbimit pyjor punuan për lokalizimin dhe mbajtjen nën kontroll të flakëve, por era e fortë gjatë orëve të mbrëmjes, bëri që zjarri të kalojë në fshatin Kapshticë.
Përparimi i flakëve me shpejtësi drejt postës kufitare vuri në gatishmëri policinë e kufirit, e cila angazhoi dhjetëra forca në ndihmë të shërbimeve të tjera për të frenuar përhapjen e flakëve.
