Shtyhet për në 15 shtator gjyqi në themel për Sali Berishën, dhëndrin e tij dhe të pandehurit e tjerë për dosjen Partizani.
Sali Berisha tha se nuk kishte pretendime për asnjë prej tre gjyqtarëve në trupën e tij. Por avokati i Berishës, Genci Gjokutaj kërkoi përjashtimin e treshes gjykuese.
Sipas Gjokutajt, gjyqtarët nuk ofrojnë gjykim të paanshëm, pasi janë nën vëzhgimin e SPAK. Avokatet e Berishës kanë kërkuar që shqyrtimi të bëhet nga gjyqtar jo të posaçëm.
‘Gjyqtarët e GJKKO janë të monitoruar dhe vëzhguar nga Spak dhe BKH, kjo mbikqyrje e gjykatës nga një palë në proces, shkel parimin e një gjykate të pavarur’, ka theksuar Gjokutaj.
Në një deklaratë për mediat, para SPAK, Jamarbër Malltezi tha se kjo Prokurori po ushtron presion të paligjshëm ndaj gjyqtarëve.
