Sot në Gjykatën e Posaçme kundër Korrupsionit dhe Krimit të Organizuar (GJKKO) do të zhvillohet seanca e radhës për dosjen “Partizani”. Nën akuzë për korrupsion dhe pastrim parash janë ish-kryeministri Sali Berisha dhe dhëndri i tij, Jamarbër Malltezi. Berisha deklaroi se nuk shkon në gjyq.
“Thuhet se këto ditë vetëm sa nuk është përleshur fizikisht me një gjyqtare që nuk ia ka zbatuar urdhrat. Ka shkuar ia ka rrëmbyer kompjueterat për ta terrorizuar. Këtu ka skena, akte, përçudnime. Thuhet se ka shkuar puna tek rrëmbimi i kompjuterit, etj, etj.
Gjyqtari duhet të jetë i lirë në detyrën e tij. Në gjyqin e themelit jam gati të paraqitem sipas këshillës së avoketërve dhe gjykatësve.
Nuk kam asnjë kundërshti për asnjë gjykatës konkret përveç ndonjërit që është në apel, ai famozi….por nuk kam kundërshti për gjykatës konkret, por një parim themelor që ka të bëjë me pavarësinë e gjykatësit në detyrën e tij” tha ai.
