Presidentja e Meksikës, Claudia Sheinbaum ka deklaruar se pothuajse 75.000 meksikanë janë kthyer vullnetarisht në vendlindje nga Shtetet e Bashkuara në gjashtë muajt që kur Donald Trump nisi mandatin e dytë presidencial.
Ajo tha se 45.000 qytetarë që kanë zgjedhur të kthehen kanë marrë një formë ndihme. Gjithashtu i bëri thirrje Uashingtonit të kthejë në atdhe meksikanët që rrezikojnë të përfundojnë në qendrat e ndalimit në SHBA.
Trump pasi mori detyrën në janar shtoi bastisjet, ndalimet dhe dëbimet e migrantëve që nuk kanë dokumente qëndrimi.
