Gjykata e Posaçme ka shpallur fajtore Sonila Qaton për shkelje të barazisë në tendera dhe e dënoi me gjashtë muaj burgim. Ky dënim iu konvertua me 60 orë punë në komunitet.
Gjithashtu Gjykata e Posaçme ka shpallur të pafajshëm edhe gjashtë të pandehur. Ndërsa tre të tjerë u dënuan me nga gjashtë muaj burgim, por që u konvertohet në 60 orë punë në komunitet.
Prokuroria e Posaçme nisi hetimin ndaj ish-drejtoreshës së ARRSH-së pas shkeljeve për tenderin për ndërtimin e rrugës Kardhiq-Delvinë. Sipas SPAK, Qato dhe vartësit e saj favorizuan një shoqëri në hije për tenderin e tunelit të Skërficës.
