Presidenti i SHBA-së, Donald Trump tha se nuk do t’i shkatërronte kompanitë e Elon Musk duke ulur subvencionet federale.
“Të gjithë mendojnë se unë do t’i shkatërroj kompanitë e Elon Musk duke tërhequr disa, nëse jo të gjitha, nga subvencionet masive që ai merr nga qeveria amerikane. Kjo nuk është e vërtetë!”, tha Trump në një postim në rrjetet sociale.
Më pas Trump shtoi se “Dua që Eloni dhe të gjitha bizneset në vendin tonë të FITOJNE.”
Elon Musk paralajmëroi dje për investitorët e Telës se shkurtimet e subvencioneve nga qeveria amerikane për prodhuesit e automjeteve elektrike mund të çojnë në “disa periudha të vështira” për kompaninë.
