Zjarri në pjesën e Kalasë në fshatin Senicë, bashkia Delvinë ka dalë jashtë kontrollit. Si pasojë e zjarrit kanë pësuar dëmtime dy shefa komisariati të policisë së Delvinës.
Komisar Agim Troci ndodhej në terren me ekipin e punonjësve për shuarjen e zjarrit dhe shefi i krimeve Joni Lame pasi është asfiksuar nga tymi.
Shefi Troci ka pësuar djegie në trup dhe ndodhet në spitalin e Sarandës.
Ndërkohë në terren për shuarjen e flakëve ndodhen forca të emergjencave civile, forca të policisë dhe autoriteteve vendore. Gjithashtu ka nisur evakuimi i banorëve të fshatrave Palavli, Vergo dhe Kopaçez.
