Zjarri në malin e Shpiragut, pranë Beratit, vijon të jetë problematik dhe po i afrohet banesave të fshatrave Galinë dhe Paftal.
Qindra zjarrfikës dhe mbi 40 mjete po punojnë prej ditësh për shuarjen e flakëve, ndërkohë që në ndihmë janë angazhuar edhe forcat e ushtrisë me dy helikopterë që hedhin ujë nga ajri.
Forcat e zjarrfikësve dhe ushtarakëve janë përqendruar në afërsi të fshatrave për të ndaluar përhapjen e zjarrit drejt banesave.
