Gjatë një vizite në klubet e tij të golfit në Skoci, Presidenti amerikan Donald Trump u shpreh ashpër për emigracionin e paligjshëm në Evropë, duke paralajmëruar se “po vret Evropën”.
Ai theksoi se Shtetet e Bashkuara muajin e kaluar nuk patën hyrje të paligjshme në vend dhe kritikoi flukset migratore masive në kontinent.
Komentet e tij erdhën në një kohë tensioni në Britaninë e Madhe, ku qytetarët protestuan kundër strehimit të emigrantëve në dy hotele lokale.
Trump gjithashtu vlerësoi kryeministrin britanik Keir Starmer, me të cilin pritet të takohet së shpejti.
