Kryeministri Edi Rama ka publikuar një tjetër video nga aksioni për lirimin e hapësirave publike në kryeqytet.
Në pamjet e shpërndara në rrjetet sociale, shihen punonjës të ndërhyrjes duke çmontuar një tendë të vendosur nga një biznes në një lagje të Tiranës.
“Eh mër çuna, vapë e modhe e di, po duhet ajrosur lagjja apo jo?”, shkruan Rama me nota ironie krahas videos.
Aksioni për lirimin e hapësirave publike është intensifikuar ditët e fundit në disa qytete të vendit, me fokus të veçantë në kryeqytet, ku zaptimi i trotuareve dhe hapësirave të përbashkëta ka qenë problem i hershëm.
Qeveria dhe bashkitë lokale kanë deklaruar se synojnë të rikthejnë hapësirat publike në funksion të qytetarëve, ndërsa reagimet kanë qenë të ndryshme nga bizneset dhe banorët e zonave të prekura.
