Sekretari i Shtetit amerikan, Marco Rubio, ka deklaruar së fundmi se Donald Trump po “humbet durimin” me Vladimir Putinin, për shkak të mosveprimit të Moskës në drejtim të ndalimit të luftës në Ukrainë.
Ndërkohë, Turqia po përpiqet të nxjerrë në pah një takim të mundshëm mes udhëheqësve të Rusisë dhe Ukrainës në Stamboll.
Ministri i Jashtëm turk, Hakan Fidan, njoftoi se Putin dhe Zelensky kanë shprehur dëshirën për një takim, ndërsa negociatat për detajet e këtij takimi vijojnë ende.
Presidenti Erdogan është i angazhuar që të përshpejtojë procesin diplomatik, duke besuar se një samit i tillë mund të ndihmojë për të kapërcyer bllokimin aktual në negociata, të cilat kanë ngecur pa rezultate të dukshme në fazën e tretë.
