Një zjarr i madh ka përfshirë mbrëmjen e djeshme një zonë të pyllëzuar në fshatin Shetel të Shijakut, duke shkaktuar dëme të konsiderueshme në ullinj dhe pemët frutore.
Sipas banorëve, flakët janë përhapur shpejt për shkak të erës dhe terrenit të vështirë, ndërsa zjarrfikësit kanë ndërhyrë për të mos lejuar përhapjen drejt banesave.
Policia ka arrestuar një 61-vjeçar nga fshati, i cili dyshohet se shkaktoi zjarrin teksa digjte mbeturina në tokën e tij.
Banorët kërkojnë ndihmë për vlerësimin e dëmeve, pasi shumë prej tyre janë goditur rëndë ekonomikisht.
