Avokatët e kryebashkiakut të Tiranës, Erion Veliaj, kanë kërkuar zgjatje të afateve të hetimit për shkak të volumit të madh të dosjes prej 60,000 faqeve.
Hetimi përfshin 30 persona, përfshirë figura publike, ndërkohë që Veliaj dhe bashkëshortja e tij dyshohen për pastrim parash. Veliaj ka mohuar akuzat, duke i quajtur ato të motivuara politikisht.
Një pjesë kyçe e hetimit është dëshmia e policit Fatjon Baci, i cili ka treguar se Veliaj ka përdorur telefonin e tij gjatë transportit nga gjykata, ku ka folur me vëllain dhe bashkëshorten.
Në biseda, Veliaj përmendi një “Plan B” për të shpëtuar nga SPAK, duke sugjeruar se një nga studentët mund të sakrifikohej për të hyrë në Parlament dhe për t’i shpëtuar atij ndjekjes penale.
Ai përmendi edhe emra si Tërmet Peci dhe Malaj, që po përpiqeshin të bëheshin deputetë për të shmangur akuzat.
