Prokuroria e Korçës ka lëshuar urdhër arresti për Ilirjan Selmanin, i cili akuzohet për vrasjen e 52 vjeçares Kozeta Teço.
Selmani gjatë marrjes në pyetje nuk ka pranuar krimin. Policia dhe prokuroria e Korçës ka grumbulluar prova të mjaftueshme, të cilat dokumentojnë të gjithë dinamikën nga momenti i kryerjes së krimit, deri në largimin e autorit nga banesa e 52 vjeçares.
Dyshohet se mes çiftit të ketë patur një grindje të çastit, e cila ka degraduar në dhunë fizike dhe vrasje.
Autori i krimit njihej si përdorues i lëndëve narkotike, për shkak të të cilave ai shpesh herë shfaqte simptoma depresioni.
