Shirat e rrëmbyeshëm dhe përmbytjet që kanë goditur Kinën veriore gjatë fundjavës kanë shkaktuar tragjedi në Pekin, duke lënë 30 të vdekur, sipas autoriteteve lokale.
Mbi 80,000 njerëz janë detyruar të zhvendosen nga shtëpitë e tyre që kur shirat filluan të shtunën, dhe situata pritet të vazhdojë e rënduar deri në mesditën e sotme.
Pekini ka shpallur alarmin më të lartë të emergjencës për përmbytje, me dhjetëra rrugë të mbyllura dhe më shumë se 130 fshatra pa energji elektrike.
Përmbytjet e mëdha nuk janë të panjohura për qytetin, por kjo fatkeqësi ka rikthyer kujtimet e tragjedive të kaluara, përfshirë ato të vitit 2012, kur përmbytjet morën 79 jetë.
