Presidenti i SHBA-së, Donald Trump, ka ashpërsuar qëndrimin ndaj Rusisë, duke i dhënë Moskës një afat prej 10-12 ditësh për të arritur një marrëveshje paqeje me Ukrainën.
Trump paralajmëroi se, nëse nuk arrihet marrëveshja, do të vendosen sanksione të reja, përfshirë tarifa të larta mbi eksportet ruse dhe ndëshkime për vendet që blejnë naftë nga Rusia.
Në një konferencë për shtyp në Skoci, ai e quajti të panevojshme pritjen prej 50 ditësh dhe theksoi se nuk ka më kohë për të pritur. Trump kritikoi ashpër presidentin rus, Vladimir Putin, për sulmet ndaj qyteteve ukrainase dhe vrasjen e civilëve.
