Gjykata e Fierit ka shpallur vendimin për Azgan Mërnicën, duke e dënuar me burgim të përjetshëm për vrasjen e efektivit të njësisë “Shqiponja”, Novruz Cenalia.
Krimi ndodhi më 13 maj 2024 në fshatin Baltëz, ku Mërnica qëlloi me armë zjarri drejt policit, duke e goditur për vdekje në kokë.
Ngjarja ndodhi pas një ndërhyrjeje të efektivit, i cili i kërkoi autorit të ndalonte makinën dhe të ulte shpejtësinë.
Në vend të bindjes, Mërnica reagoi me dhunë ekstreme, duke e qëlluar dhe lënë të vdekur në vend.
Pas shqyrtimit të provave dhe rrethanave të ngjarjes, gjykata vendosi që ai të vuajë dënimin në një institucion të sigurisë së lartë.
