Gjykata e Lartë ka rrëzuar kërkesat e Arnold Rrokajt dhe Zambak Gjonit, të cilët kërkuan heqjen e masës ‘arrest me burg’ caktuar ndaj tyre në prill të këtij viti. Vendimi për rrëzimin e kërkesës u dha nga kolegji penal i përbërë nga Ilir Panda, Sander Simoni e Sokol Binaj.
Gjoni dhe Rrokaj janë vënë në pranga pasi ata kanë hakëruar më 12 mars emailet e tre prokurorëve të SPAK.
Ata pasi kanë marrë akses të emaileve, më pas kanë shpërndarë dokumentet tek disa persona të tjerë, të cilët dyshohet se janë dy gazetarë, ish-kreu i burgjeve, Agim Ismaili, si dhe Dritan Palnikaj, aktualisht sekretar i Përgjithshëm në Ministrinë e Bujqësisë.
