Në pamjet e fundit të publikuara nga një analist ukrainas, duket qartë një nga truprojat e Vladimir Putinit duke mbajtur një dron interceptues, i cili ngjan shumë me modelin rus “Yolka”.
Ky dron është i dizenjuar për të neutralizuar dronët sulmues përmes përplasjes së drejtpërdrejtë.
Video është xhiruar gjatë paradës së Ditës së Fitores më 9 maj në Sheshin e Kuq të Moskës, ku Putini po përshëndeste oficerët.
Prania e këtij droni tregon një nivel të lartë të kujdesit për sigurinë e udhëheqësit rus, sidomos pas një valë sulmesh me dronë që kanë detyruar mbylljen e disa aeroportëve në kryeqytetin rus.
“Yolka” është një pajisje moderne që lëshohet nga një raketë portative dhe godet dronin sulmues përmes një përplasje kinetike, duke parandaluar sulmin.
Ky sistem mbrojtës dëshmon frikën dhe masat strikte që po merr Kremlini për të mbrojtur Putinin në një periudhë shumë të ndjeshme.
