Gjatë hetimeve për vjedhjet në disa banesa u zbuluan dy raste dhe u identifikuan dy persona të dyshuar.
R.K., 57 vjeç u arrestua ndërsa G.L., 30 vjeç është ende në kërkim.
Në banesën e të arrestuarit u gjetën para në lekë dhe euro, orë, bizhuteri dhe celularë që dyshohet se janë vjedhur, si dhe disa mjete që dyshohet se përdoren për vjedhje.
Hetimet vazhdojnë për kapjen e personit tjetër dhe për të kuptuar nëse këta dy kanë lidhje me raste të tjera të ngjashme. Materialet i kanë kaluar prokurorisë për veprën “Vjedhja” në bashkëpunim.
