Ministrja e Kurtit, Rozeta Hajdari, ka përfunduar në Prokurorinë Speciale intervistën në lidhje me hetimet për rezervat shtetërore, çështje që u bë skandal publik në gusht 2023, kur disa zyrtarë u arrestuan për keqpërdorim dhe abuzim me fondet.
Pas marrjes në pyetje, Hajdari u shpreh me tone të forta ndaj mënyrës se si po zhvillohen hetimet, duke vënë në dyshim ligjshmërinë e veprimeve të prokurorisë dhe duke akuzuar për shkelje të procedurave lidhur me dokumentet e klasifikuara si sekret shtetëror.
Ajo gjithashtu kritikoi ashpër prokurorin e çështjes, duke thënë se ai ka shkelur ligjin dhe ka konflikt interesi, ndërsa u shpreh se ministria ka nisur hetim të veçantë nga Agjencia për Parandalimin e Korrupsionit dhe pret të përballet në gjykatë.
Ndërsa paralajmëroi se do të sfidojë hetimet në gjykatë, ministrja nuk shfaqi asnjë pendesë për mënyrën se si është menaxhuar çështja e rezervave, një qëndrim që ngjason me atë të disa prej kolegëve të saj në VV.
