Kryetarja e Lëvizjes së Gruas për Integrim në Partinë e Lirisë Myrvete Asqeri kritikoi ashpër qeverinë për dështimin në arsimin dhe kërkimin shkencor.
Ajo tha se Shqipëria është e fundit në garën për fondet e BE-së për shkencë dhe inovacion, duke theksuar se kjo pasqyron kolapsin e politikave arsimore.
Sipas Asqerit, qeveria ka braktisur dijen dhe ka investuar vetëm në fasada dhe tendera politike, duke lënë arsimin dhe shkencën në nivel shumë të ulët.
Shqipëria shpenzon më pak se 2.4% të PBB-së për arsimin, më pak se vendet e rajonit.
Ajo tha se Partia e Lirisë do të paraqesë një projektligj për të rritur financimin e arsimit në minimum 5% të PBB-së, me qëllim ringritjen e sistemit arsimor dhe zhvillimin e qëndrueshëm të vendit.
