Franca ka bashkuar përpjekjet me disa shtete të tjera për të ofruar ndihmë humanitare nga ajri për civilët në Gaza, që po përballen me një krizë të thellë urie.
Ministri i Jashtëm francez, Jean-Noël Barrot, njoftoi se janë realizuar katër fluturime që transportuan gjithsej 40 ton ushqime.
“Çdo minutë është vendimtare”, theksoi ai në një intervistë për Franceinfo, duke e pranuar se këto ndihma janë të pamjaftueshme për nevojat reale të popullsisë.
Operacionet e shpërndarjes ajrore u rifilluan pas një pauze në luftime, me Francën që i bashkohet vendeve si Gjermania, Mbretëria e Bashkuar, Belgjika dhe Spanja, të cilat po përdorin Jordaninë si pikënisje për fluturimet humanitare.
