Ministri i Brendshëm, Ervin Hoxha, zhvilloi sot një takim me ambasadorin e Britanisë së Madhe në Tiranë, Nick Abbot, ku u diskutua forcimi i bashkëpunimit në fushën e sigurisë.
Në qendër të bisedës ishte rikuperimi i aseteve të përfituara nga veprimtaria kriminale, si pjesë e Planit të Përbashkët të Masave për luftën kundër krimit të organizuar.
Ministri theksoi rëndësinë e funksionalizimit të Zyrës së Rikuperimit të Aseteve, një objektiv i rëndësishëm për integrimin europian të vendit.
Mbretëria e Bashkuar pritet të ofrojë mbështetje për trajnime, bashkëpunim operativ dhe zhvillimin e databazave analitike për ndjekjen e pasurive me origjinë të dyshimtë.
