Ish-deputeti Ervin Salianji ka njoftuar se do të ndalojë në Vlorë në kuadër të turit të tij të takimeve me strukturat e Partisë Demokratike.
Takimi do të zhvillohet më 8 mars, në orën 18:00, në Pallatin e Kulturës të qytetit bregdetar.
Salianji ka theksuar se këto takime kanë për qëllim komunikimin e drejtpërdrejtë me anëtarët dhe simpatizantët e partisë, si dhe diskutimin mbi situatën politike në vend dhe se si Partia Demokratike mund të kthehet në një forcë fituese në zgjedhje.
Kjo nismë është pjesë e një procesi të gjerë që synon forcimin e lidhjeve me bazën dhe përgatitjen e PD-së për sfidat e ardhshme.
