Prokurorët federalë në SHBA kanë kundërshtuar kërkesën për lirimin me kusht të reperit Sean “Diddy” Combs, duke theksuar se ai përbën rrezik dhe se mund të përballet me një dënim më të rëndë sesa vlerësimet fillestare prej 4-5 vitesh.
Diddy është shpallur fajtor për transportim të personave për qëllime të pamoralshme, ndërsa është shpallur i pafajshëm për akuzat më të rënda si trafik seksual dhe krijimi i një organizate kriminale.
Prokurorët theksojnë se dënimi përfundimtar mund të jetë ndjeshëm më i lartë dhe se lirimi me kusht është i papërshtatshëm për rastin e tij.
Shpallja e dënimit pritet më 3 tetor, ndërsa avokatët e tij pretendojnë se kushte të ashpra në paraburgim dhe jeta e tij private po ndikojnë padrejtësisht në trajtimin e çështjes.
