Sekretari i Përgjithshëm i Partisë së Lirisë, Tedi Blushi, akuzoi qeverinë Rama për korrupsion të thellë, që sipas tij është pengesa kryesore për integrimin europian të Shqipërisë.
Ai reagoi pas vendimit të Komisionit Europian për të refuzuar përsëri fonde IPARD për Shqipërinë, duke fajësuar qeverinë dhe SPAK-un për moshetimin dhe përfshirjen në skema kriminale.
Blushi kritikoi zhdukjen e miliona eurove që duhet të shkonin për fermerët, por sipas tij përfunduan te inceneratorët, një aferë që ai e cilëson si krim shtetëror.
Ai theksoi se korrupsioni dhe kapja e shtetit nga qeveria po dëmtojnë rëndë sektorin e bujqësisë dhe pengojnë rrugën drejt BE-së.
