Një tërmet me magnitudë 4.1 është regjistruar në Rancuaga të Kilit: Nga tërmeti është shembur miniera e bakrit El Teniente dhe një minator ka humbur jetën, pesë janë zhdukur dhe nëntë janë lënduar.
“Me trishtim dhe solidaritet me familjet e prekura, njoftojmë ndarjen nga jeta të kolegut tonë Paulo Marín Tapia, i kompanisë Salfa Montajes, i cili punoi në Projektin e Andezitit”, njoftoi kompania shtetërore e minierave të Kilit, Codelco.
Kompania tha se menjëherë pezulloi aktivitetet në zonën e prekur dhe filloi një hetim për të përcaktuar shkakun e incidentit.
