Hamasi ka deklaruar se nuk do të dorëzojë armët, përveç nëse themelohet një shtet palestinez i pavarur dhe sovran me kryeqytet Jerusalemin.
Në një deklaratë zyrtare, organizata thekson se vetëm rikthimi i të drejtave kombëtare të plotë justifikon braktisjen e rezistencës së armatosur.
Kjo deklaratë vjen në kohën kur negociatat për armëpushim dhe lirimin e pengjeve me Izraelin janë ndërprerë.
Gjithashtu Hamasi dënoi vizitën e të dërguarit amerikan në Gaza, duke e cilësuar si “shfaqje mashtruese” dhe akuzoi SHBA-në për bashkëpërgjegjësi në krizën humanitare dhe dhunën ndaj civilëve palestinezë.
