Dy persona janë proceduar penalisht nga policia e Mirditës pasi u kapën duke nxjerrë materiale inerte në shtratin e lumit Fan, pa leje dhe autorizime të nevojshme.
Në kuadër të kontrolleve për parandalimin e krimeve mjedisore, shërbimet e Komisariatit të Policisë Mirditë zbuluan dy persona që po ushtrojnë aktivitet të paligjshëm në këtë zonë. Janë sekuestruar dy mjete të rënda, një fadromë dhe një kamion, të cilat po përdoren për këtë qëllim.
Personat e proceduar janë D. M., 75 vjeç, banues në Tiranë dhe F. P., 68 vjeç, banues në Rubik.
