Policia e Krujës ka arrestuar një 18-vjeçar banues në fshatin Mazhe e Madhe.
18-vjeçari me iniciale Q.M., pas konflikteve të vazhdueshme ka qëlluar drejt banesës së komshiut të tij me armë zjarri duke kanosur atë dhe familjarët.
Pas kontrollit në afërsi të vendit të ngjarjes, shërbimet e Policisë kanë gjetur dhe sekuestruar armën e zjarrit dhe municion luftarak. Ndërsa materialet procedurale i kaluan Prokurorisë, për veprime të mëtejshme.
