Policia e Fierit ka arrestuar dy persona pasi akuzohen për zjarrvënie në Divjakë dhe Mallakastër.
65-vjeçari me iniciale K.A., banues në fshatin Korije, ka ndezur zjarr për djegien e mbeturinave në tokën e marrë me qira. Si pasojë e përhapjes së flakëve janë djegur 170 rrënjë ulliri në pronësi të një personi tjetër.
Ndërsa në Mallakastër u arrestua P. J., 41 vjeç, banues në fshatin Belishovë, pasi ka ndezur zjarr për djegien e ferrave në tokën e tij dhe si pasojë e përhapjes së flakëve është djegur një sipërfaqe me shkurre.
Ndërkohë mterialet procedurale iu referuan Prokurorisë pranë Gjykatës së Shkallës së Parë e Juridiksionit të Përgjithshëm Fier, për veprime të mëtejshme.
