Keidi Bare u detyrua të largohej nga fusha në minutën e 30-të të miqësores ndaj Tarazonës, pas një dëmtimi në gju që riktheu makthin e sezonit të kaluar me Saragozën.
Mesfushori i Kombëtares shqiptare doli mes dhimbjesh dhe kërkoi menjëherë ndihmën e mjekëve, duke ngritur shqetësime për një tjetër mungesë afatgjatë.
Por sipas mediave pranë klubit, kontrollet e para kanë përjashtuar një dëmtim serioz dhe nuk ka nevojë as për rezonancë.
Bare pritet të rikthehet në stërvitje që javën e ardhshme, duke i dhënë fund alarmit të krijuar pas incidentit.
