Shtetet e Bashkuara do të nisë një program pilot më 20 gusht 2025, që mund të kërkojë nga aplikantët për viza turistike dhe biznesi depozita garanci deri në 15,000 dollarë.
Qëllimi i këtij ndryshimi është të parandalojë vizitorët që tejkalojnë afatin e qëndrimit të lejuar.
Programi u jep konsullatave amerikane mundësinë të vendosin depozita të ndryshme sipas rrezikut, nga 5,000 deri në 15,000 dollarë, me një minimum të përgjithshëm prej 10,000 dollarësh.
Kjo masë do të prekë kryesisht shtetas nga vendet me norma të larta tejkalimi të vizave, si disa vende në Afrikë dhe Azinë jugore.
Ndryshimi është pjesë e përpjekjeve për të rritur kontrollin ndaj imigracionit të paligjshëm, pas politikave të presidentit Donald Trump, i cili ka vendosur kufizime të forta për udhëtarët nga disa vende.
