Kryeministri izraelit Benjamin Netanjahu ka deklaruar se ofensiva në Rripin e Gazës do të vazhdojë deri në arritjen e objektivave të plota, pavarësisht kritikave dhe presionit nga brenda dhe jashtë vendit.
“Nuk heqim dorë nga asnjë prej qëllimeve tona: mposhtja e Hamasit, lirimi i të gjithë pengjeve dhe eliminimi i çdo kërcënimi nga Gaza”, thuhet në deklaratën e shpërndarë nga zyra e tij.
Brenda javës priten udhëzime të reja për vijimin e operacioneve. Ndërkohë, qeveria izraelite përballet me kritika të ashpra, veçanërisht nga familjarët e pengjeve të marrë më 7 tetor 2023, të cilët kërkojnë një marrëveshje për lirimin e tyre.
