Gjykata e Tiranës ka caktuar masën e sigurisë “arrest me burg” për Flodian Plakun, i cili akuzohet për vrasjen e Gentian Bejtjas. Flodian Plaku njihet edhe me mbiemrin Mamo dhe Serjani dhe u arrestua nga forcat operacionale në Orikum.
Ai para gjykatës ka thënë se nuk ka lidhje me ngjarjen. Ai përfaqësua në gjykatë nga avokati i caktuar nga gjykata, Edvis Gorishti, i cili kërkoi një masë më të butë sigurie, por që u refuzua.
“Nuk kam lidhje me ngjarjen, kam përdorur një Golf para 10 ditësh, prandaj erdhi policia tek unë.”, ka thënë Plaku para gjykatës.
