Ardon Jashari është lojtari më i ri i Milanit. Klubi italian ka njoftuar afrimin e Jasharit, i cili ka kaluar me sukses vizitat mjekësore dhe ka firmosur kontratën e re.
Ai ka firmosur për pesë vitet e ardhshme, ndërsa do të mbajë veshur fanellën me numrin 30.
23-vjeçari do të marrë një pagë prej 2.5 milionë eurosh në sezon, plus bonuse. Ardon Jashari është blerja e pestë e Milanit për këtë sezon.
