Një 17-vjeçar i dënuar me dy vite burg për vjedhje ka treguar për RTVDukagjini historinë e tij të përfshirjes në krime që nga mosha 10-vjeçare.
Ai pranon se ka kryer mbi 100 vepra penale, përfshirë grabitje, shpërndarje droge, lëndime trupore dhe tentativë vrasje.
Adoleshenti thotë se ka përdorur kokainë dhe marihuanë që i vogël dhe ka vjedhur mbi 40 automjete, ndër to edhe një BMW M4 me vlerë mbi 30 mijë euro. Sipas tij, një mik i babait e ndihmonte duke çmontuar makinat për pjesë.
Megjithatë, ai shprehet i penduar dhe shpreson që pas burgut t’i kthehet një jete normale.